مئو ضلع میں تشکیل دی گئی 'کووڈ کیئر ٹیم' کے ذریعے اسکولز میں کووڈ ٹیسٹ کیمپ منعقد کیے جارہے ہیں۔ اس پروگرام کے ذریعے اب تک درجہ نو سے بارہ تک کے طلبا و طالبات کے ٹسٹ کرائے جا رہے ہیں۔ مئو ضلع میں فی الحال درجہ نو سے بارہ تک کے اسکولز کو ہی کھولنے کی اجازت ہے۔ سرکاری حکومت نامے کے مطابق صرف درجہ نو سے بارہویں جماعت کے طالب علم ہی اسکولز آسکتے ہیں'۔
تعلیمی سرگرمیوں اور اسکولز کالجز کو کھولنے سے متعلق احکامات ریاستی حکومت نے جاری کردیے ہیں۔
کووڈ ٹسٹ ٹیم میں خاتون ڈاکٹر بھی خدمات انجام دے رہی ہیں، تاکہ طالبات کو ٹیسٹ کراتے وقت کوئی پریشانیوں کا سامنے نہ کرنا پڑے۔ ایک اعداد و شمار کے مطابق اب تک مئو ضلع میں 45 کووڈ ٹسٹ کیمپ منعقد کئے جا چکے ہیں، جہاں ہزاروں کی تعداد میں طلبا و طالبات کا ٹیسٹ کیا جا چکاہے۔ ڈاکٹروں کے مطابق ضلع کے تمام اسکولز میں کووڈ ٹسٹ کیمپ منعقد کیے جائیں گے۔
واضح رہے کہ کورونا وائرس کے پھیلاؤ کے پیش نظر گذشتہ مارچ سے ہی تمام تعلیمی ادارے بند ہیں۔ جنہیں 19 نومبر سے دوبارہ شروع کیا گیا ہے۔
