بنارس پولیس کی کارروائی مختار انصاری گینگ کے خلاف تیز ہو رہی ہے اس ضمن میں پولیس نے لگاتار کارروائی کرتے ہوئے مختار انصاری سے وابستہ افراد کو گرفتار کیا ہے۔ مختار انصاری کی جائداد سے متعلق بھی پولیس نے کارروائی کی ہے۔ پولیس نے مختار کے اہم ساتھی معراج کے بھتیجے پرویز احمد کو کینٹ پولیس اسٹیشن سے گرفتار کیا۔
پولیس کا الزام ہے کہ پرویز احمد مختار گینگ کی معاونت کرتا تھا اور اسکو پناہ دیتا تھا، اس سے قبل ہفتہ کے روز جیت پورہ پولیس نے معراج کے بھائی سراج احمد کو بھی گرفتار کیا تھا۔
اس سلسلے میں ایس پی سٹی وکاس چندر ترپاٹھی نے کہا کہ پرویز احمد ہسٹری شیٹر ہے اس کے خلاف وارانسی اور جون پور کے مختلف تھانوں میں دو درجن سے زیادہ مقدمات درج ہیں۔ جعلی دستاویزات کی بنیاد پر متعدد اسلحہ لائسنس معراج نے بنوائے تھے۔
معراج ضلع غازی پور کے کریم الدین پور تھانہ کے مہین کا رہائشی ہے۔ پولیس پرویز کے دیگر جرائم کے بارے میں پوچھ گچھ کر رہی ہے۔ بنارس کے جیت پورہ تھانہ اور کینٹ تھانہ میں آئی پی سی کی دفعہ 419 ، 420،467،468 ، 471 کے تحت مقدمہ درج کیا گیا ہے۔
