کیمیکل کمپنی میں لگی آگ پر قابو

گجرات کے ضلع بھروچ کے دھیج میرین علاقے میں ایک کیمیکل کمپنی میں لگی آگ پر قابو پالیا گیا ہے۔ اس واقعہ میں نو افراد ہلاک اور 50 دیگر زخمی ہوگئے ہیں۔

پولیس انسپکٹر وی ایل گاگیا نے جمعرات کے روز کہا کہ دھیج جی آئی ڈی سی میں مقیم یشسوی رسائن پرائیویٹ لمیٹڈ کے ری ایکٹر میں اچانک دھماکہ ہوجانے سے آگ لگ گئی تھی جس کے نتیجے میں اب تک نو لوگوں کی جانیں جاچکی ہیں-

اور دیگر50 جھلسے ہوئے افراد کو مختلف اسپتالوں میں داخل کرایا گیا ہے۔

مرنے والوں کی ابھی تک شناخت نہیں ہوسکی ہے۔محکمہ فائر فائر کے اہلکار نے بتایا کہ کڑی مشقت کے بعد آج آگ پر قابو پالیا گیا ہے۔

لیکن فائر بریگیڈ کے ملازمین ابھی بھی دھواں ہٹانے میں مصروف ہیں۔