کارپوریشن نے بیک وقت چھ گاڑیوں سے شہر میں سینیٹائز کرانے کا عمل شروع کر دیا ہے۔ شہر کے توپ خانہ کے ڈی گیٹ، فوارہ چوک، جنس پورہ کو سینیٹائز کیا گیا ہے۔
علاقے کی صفائی کررہے میونسپل کارپوریشن کی ٹیم کی ہمت افزائی کے لیے لوگوں تالیاں بجا کر ان کا خیرمقدم کیا۔
ذرائع کے مطابق اجین شہر سے کورونا وائرس کے سات نئے متاثرین میں سے کچھ کا تعلق کنٹومینٹ علاقے سے ہے، جبکہ کچھ مریضوں کو نئے علاقے سے متاثر پایا گیا ہے۔
ایسی صورتحال میں انتظامیہ کے لئے تشویش اور بڑھ گئی ہے۔ اب یہ انفیکشن دوسرے علاقوں میں بھی پھیل رہا ہے، اس کی روک تھام کے لئے کارپوریشن نے شہر کے تمام علاقوں کو سینیٹائز کرانے کافیصلہ کیا ہے۔
شہر کے دوسرے علاقوں میں ڈرون سے لی گئی تصاویر سے صاف ظاہر ہوتا ہے کہ شہر میں کورونا سے متاثرہ مریضوں کی تعداد میں اضافے کی وجہ سے پورا شہر ویران ہے۔
چامونڈا ماتا علاقہ جہاں دن بھر گاڑیوں کی آمدورفت رہتی تھی اب پورا علاقہ سنسان نظر آرہا ہے۔
