ادھمپور: جموں و کشمیر کے ڈکسٹریٹ لیگل سروس اتھارٹی (ڈالسا) نے انتظامیہ کی مدد سے ضلع کورٹ احاطے میں ایک میگا قانونی بیداری کیمپ کا انعقاد کیا، اس موقع پر تصویر کی نمائیشی کا اہتمام کیا گیا۔
اس کیمپ میں محکمہ سماج کلیان، محکمہ صحت، محکمہ تعلیم، بینک، باغبانی، پھلوں کی کھیتی، پبلک لائبریری، ہینڈ لوم اور دستکاری کے محکمے سمیت بڑے محکموں نے اپنی اسکیموں کی نمائش اور موقع پر ہی فوائد فراہم کرنے کے لیے اسٹال لگائے تھے۔
پروگرام میں اکھل بھارتیہ بیداری اور آؤٹ ریچ تحریک کے تحت منعقد اس پروگرام میں ڈالسا کے صدر اور چیف ڈسٹرکٹ اینڈ سیشن جج وائی پی بورنی مہمان خصوصی تھے جبکہ ڈپٹی کمشنر اندو کنول چیب مہمان خصوصی تھیں۔
پروگرام کا آغاز رجنی شرما، سکریٹری اور سب جج، ڈسٹرکٹ لیگل سروسز اتھارٹی کے خطبہ استقبالیہ سے ہوا۔ انہوں نے شرکاء کو مختلف سرکاری فلاحی اسکیموں کے بارے میں آگاہ کیا۔
مزید پڑھیں: ادھم پور: پدم شری شیو دت نرموہی کا شاندار استقبال
پلوامہ: پنڈت کی آخری رسومات کی ادائیگی میں مسلمانوں کا تعاون
موقع پر ڈالسا ادھم پور کی جانب سے غریب اور نادار طلباء میں بیگ اور کتابیں بھی تقسیم کی گئیں۔ ڈالسا کے سکریٹری نے آل انڈیا بیداری مہم کے تحت منعقدہ مختلف مقابلوں میں حصہ فتح یاب ہونے والے طلباء کو ٹرافیاں اور سرٹیفکیٹ پیش کیے۔
