ادھم پور: میرپور برادری نے شہر کی آدرش کالونی میں واقع وید مندر میں 75واں یوم شہادت منایا اور خراج عقیدت (Tribute to Martyrs) پیش کیا۔ اس موقع پر ڈاکٹر آدرش گپتا اور ڈاکٹر کے سی شرما نے کہا کہ 1947 میں پاکستان نے میرپور، مظفرآباد، پونچھ اور راجوری میں قبائلیوں کی شکل میں حملہ کیا تھا۔
انہوں نے ہزاروں بے گناہ لوگوں کو لوٹا اور قتل (Looting and Murder) کر ڈالا۔ زندہ بچ جانے والوں نے اپنی جان بچانے کے لیے جدوجہد کی اور مناسب مدد نہ ملنے کی وجہ سے ہجرت کرنے پر مجبور ہوئے۔ اسے جہاں بھی جگہ ملی، اس نے وہیں اپنی اور اپنے خاندان کی کفالت کرنے لگا۔
انہوں نے کہا کہ حکومت نے برسوں تک ان کا کوئی نوٹس نہیں لیا۔ اس کے باوجود ان لوگوں نے کبھی اپنی عزت نفس کو ترک نہیں کیا اور نہ ہی کبھی کسی کے سامنے بھیک مانگی۔
مزید پڑھیں:
انہوں نے تمام لوگوں سے اپیل کی کہ وہ اپنی ثقافت کو بچانے کے لیے اقدامات کریں۔ اس کے ساتھ انہوں نے مرکزی وزیر مملکت (Central Minister of State) اور ادھم پور کے ایم پی ڈاکٹر جتیندر سنگھ (Dr Jitendra Singh) کے اس بیان کو سراہا جس میں انہوں نے کہا کہ اب وقت آگیا ہے کہ پاکستان کے زیر قبضہ کشمیر (Pakistan-occupied Kashmir) کو واپس لیا جائے۔ بعد میں سبھی آدرش کالونی کے شہید پارک پہنچے اور شہداء کی یادگار پر پھول چڑھا کر انہیں خراج عقیدت پیش کیا۔
