جموں و کشمیر کے ضلع ادھمپور میں ان دنوں ٹریفک قوانین کی خلاف ورزی کرنے کے خلاف کارروائی کی جا رہی ہے اور ان کے چالان کاٹے جا رہے ہیں۔
ایس ایس پی ٹریفک کی نگرانی میں ٹریفک پولیس نے آج صبح قومی شاہراہ زخینی پر بیریکیڈ لگا کر بڑے پیمانے پر کارروائی کی۔
نئے ٹریفک قوانین کے شروعات ہونے کے ساتھ ہی زیادہ تر لوگ ٹریفک قوانین پر عمل پیرا ہیں لیکن پھر بھی بہت سے لوگ ٹریفک قوانین کو نظر انداز کر رہے ہیں، جس کی وجہ سے ٹریفک پولیس کارروائی کر رہی ہے۔
میڈیا سے گفتگو کرتے ہوئے ایس ایس پی ٹریفک جے ایس جوہر نے کہا کہ 'ہم نے شہر کے مختلف علاقوں میں سڑکوں کے ساتھ ساتھ جموں و کشمیر قومی شاہراہ کو بیریکیڈ لگا کر چالان کاٹا۔'
انہوں نے مزید کہا کہ 'ٹریفک قوانین کی خلاف ورزی کرنے والوں پر کارروائی کی جائے گی۔'
انہوں نے بھاری جرمانے سے بچنے کے لیے لوگوں کو ٹریفک قوانین پر عمل کرنے کی ہدایت دی۔
