کٹھوعہ: پولیس لائنز میں پولیس اہلکاروں کے درمیان جھڑپ، ہیڈ کانسٹیبل ہلاک

جموں و کشمییر کے ضلع کٹھوعہ میں پولیس لائنز کے اندر بدھ کی شام دیر گئے کچھ پولیس اہلکاروں کے درمیان ہوئی جھڑپ میں ایک ہیڈ کانسٹیبل کی موت واقع ہوگئی ہے۔

پولیس ذرائع نے بتایا کہ ضلع کٹھوعہ میں ضلع پولیس لائنز پر بدھ کی شام دیر گئے ڈیوٹی سے واپس آنے کے بعد کچھ پولیس اہلکاروں کے درمیان جھڑپ ہوئی۔

انہوں نے کہا کہ اس دوران ایک پولیس اہلکار نے گولی چلائی جس کے نتیجے میں ایک ہیڈ کانسٹیبل کی موت واقع ہوگئی۔

مہلوک کی شناخت ہیڈ کانسٹیبل محمد یونس کے طور پر ہوئی ہے۔ مہلوک ضلع ریاسی کا رہنے والے ہے۔

پولیس کے مطابق ملزم کو گرفتار کرلیا گیا ہے اور اس سلسلے میں تحقیقات شروع کردی گئی ہیں۔