جموں: ادھم پور کے پرائیویٹ اسکول میں ڈسٹرکٹ لیگل سروسز اتھارٹی ادھم پور کی جانب سے اینٹی ریگنگ قانون پر ایک پروگرام کا انعقاد کیا گیا جس میں طلباء کو ریگنگ کے نقصان سے واقف کروایا گیا۔ واضح رہے کہ اسکولوں اور کالجوں میں ریگنگ کے واقعات رونما ہوتے رہتے ہیں۔
طلباء کو ڈی ایل ایس اے کے ذریعہ اس کے بارے میں آگاہ کیا گیا۔ انہوں نے اس بات پر بھی زور دیا کی اسکول انتظامیہ طلباء میں اسکول کی تعلیم کو لیکر ماحول پیدا کریں۔ اس موقع پر ڈسٹرکٹ لیگل سروسز اتھارٹی کے سکریٹری رجنی شرما موجود تھے۔ انہوں نے طلباء کو ریگنگ سے دور رہنے کی ہدایت کی۔ اس موقع پر ڈی ایل ایس اے کے وکلاء نے بھی اظہار خیال کیا اور اسکول میں اچھی کارکردگی کا مظاہرہ کرنے والے طلباء کو بھی انعامات سے نوازا گیا۔
