جموں و کشمیر کے ضلع ادھم پور کے رام نگر تحصیل کی چنتا علاقے میں ایک مسافر گاڑی سڑک حادثہ کا شکار ہوگئی، جس میں تقریبا 16 مسافر سوار تھے۔
اس حادثے میں 9 لوگ زخمی ہوگئے، ان زخمیوں کو علاج و معالجے کے لیے ضلع اسپتال چنتا میں داخل کرایا گیا تھا، جہاں مریضوں کی نازک حالت دیکتھے ہوئے انہیں ضلع اسپتال ادھم پور منتقل کردیا گیا ہے۔
مزید پڑھیں:کپوارہ میں دلدوز سڑک حادثہ، آٹھ ماہ کا بچہ اور 90سالہ بزرگ شہری ہلاک
اطلاع کے مطابق یہ مسافر گاڑی پنجگرائی سے ادھمپور کی طرف جا رہی تھی کہ اچانک چنتا چوک پہنچتے ہی یہ سڑک حادثہ کا شکار ہوگئی اور سڑک پر گر گئی۔ اس حادثے میں ایک شخص شدید طور سے زخمی بتایا جارہا ہے۔
اس حادثے کے حوالے سے ضلع اسپتال کے ڈاکٹر وجے رائینا نے بتایا کہ 9 لوگوں کو ضلع اسپتال میں داخل کرایا گیا ہے اور ان میں سے ایک شخص کی حالت کافی نازک ہے۔ وہیں، پولیس نے اس سلسلے میں ایک معاملہ درج کرکے کارروائی شروع کردی ہے۔ فی الحال ابھی تک یہ معلوم نہیں ہوسکا ہے کہ سڑک حادثہ کن وجوہات سے پیش آیا ہے۔
