اغوا دلہن جے پور سے برآمد

ریاست راجستھان کے شہر ادے پور سے گذشتہ دنوں ایک دلہن کے اغوا سے علاقے میں سنسنی پھیل گئی تھی ،پولیس نے آج اسے جے پور سے برآمد کرکے معاملے کو حل کرنے کا دعویٰ کیا ہے۔

ادے پور میں دلہن کے اغوا کے معاملے میں یکے کے بعد دیگر انکشاف ہورہے ہیں۔ پولیس نے اغوا دلہن کو جے پور سے برآمد کیا ہے، ساتھ ہی بھگانے والے عاشق کو بھی پولیس نے گرفتار کرنے کا دعویٰ کیا ہے۔

ادے پور میں دلہن کے اغوا ہوتے ہی پولیس ہیڈ کواٹر کھلبلی مچ گئی تھی اور تمام اعلیٰ افسران مذکورہ واردات کو حل کرنے میں لگ گئے ، ڈی جی پی کپل گرگ اور اے ڈی جی کرائم برانچ سونی اس معاملے میں نگرانی کرنے میں مصروف ہوگئے۔

جے پور سے دلہن کو برآمد کرنے کے بعد پولیس نے عاشق پریانک کو گرفتار کرکے ادے پور پولیس کے حوالےکر دیا ہے۔

واضح رہے کہ پولیس نے کارروائی کرتے ہوئے 3 بجے علی الصباح دلہن کے عاشق پریانگ کو گرفتار کیا اور دلہن ونیتا کو برآمد کیا، جس کے بعد دنوں کو ادے پور پولیس کے حوالے کیا گیا۔

اطلاع ملنے کے بعد ادے پور پولیس علی الصباح جے پور پہنچی اور اسے ادے پور لے آئی۔

اطلاعات کے مطابق پولیس نے دلہن کو اغوا کرنے والے عاشق کے دو ساتھیوں کی شناخت کی ہے، پولیس مزید تفتیش کررہی ہے۔