جموں وکشمیر کے الیکشن کمشنر کے کے شرما نے میڈیا کو جانکاری دیتے ہوئے بتایا کہ ڈی ڈی سی انتخابات کے آٹھویں اور آخری مرحلے کے تحت کشمیر ڈویژن میں 29.91 فیصد اور جموں ڈویژن میں 72.71 فیصد پولنگ درج کی گئی۔
انہوں نے کہا کہ کشمیر ڈویژن میں سب سے کم ووٹنگ ضلع پلوامہ میں 8.50 فیصد درج کی گئی ہے جبکہ جموں ڈویژن میں سب سے کم ضلع ادھم پور میں 60.49 فیصد ووٹٹنگ درج کی گئی ہے۔
وہیں کشمیر ڈویژن میں سب سے زیادہ ووٹنگ کی شرح ضلع کپواڑہ میں 63.80 فیصد جبکہ جموں ڈویژن میں سب سے زیادہ ضلع پونچھ میں 83.58 فیصد ووٹنگ درج کی گئی ہے۔
واضح رہے کہ ڈی ڈی سی انتخابات کے آٹھویں مرحلے میں 28 حلقوں میں پولنگ ہوئی، جن میں کشمیر میں 13 حلقے اور جموں میں 15 حلقے شامل تھے۔ آٹھویں مرحلے کے لیے 168 امیدوار میدان میں تھے۔ کشمیر کے 13 حلقوں میں 83 امیدوار میدان میں ہیں، جن میں 31 خواتین شامل تھیں۔ وہیں جموں کے 15 حلقوں میں 15 خواتین سمیت 85 امیدوار میدان میں تھے۔
انتخابات کے لیے کل 1703 پولنگ اسٹیشن قائم کیے گئے تھے، جن میں 1028 کشمیر میں اور 675 جموں میں تھے۔
