شیر کشمیر ایگریکلچر یونیورسٹی کشمیر Sher-e-Kashmir University of Agricultural Kashmir کے وائس چانسلر ڈاکٹر نظیر احمد نے آج ڈائریکٹر اکسٹنشن اسکاسٹ دِلمحمد مخدومی، ڈائریکٹر ریسرچ اسکاسٹ ڈاکٹر سرفراز احمد، ڈائریکٹر پلاننگ ڈاکٹر ہارون و دیگر افسران کے ہمراہ آرگینک ولیج پتل باغ پانپور پلوامہ کا دورہ کیا VC SUKAST Visits Saffron Fields and Organic Village، جہاں انہوں نے ایک رائس میل کا افتتاح کیا۔ ساتھ ہی علاقے کے کسانوں سے ایگریکلچر سیکٹر کو مضبوط بنانے کے حوالے سے تبادلۂ خیال کیا۔
اپنے دورے کے دوران انہوں نے زعفران فیلڑس کا بھی معائنہ کیا اور زعفران اگانے والے کسانوں سے کہا کہ 'وہ زعفران کی صنعت کو مضبوط کرنے میں کلیدی رول ادا کریں، کیونکہ پوری دنیا میں وادی کشمیر کی زعفران کی پیداوار کی وجہ سے بھی ایک خاص پہچان بنی ہے وہ قاٸم رہے اور زعفران اگانے والے کسانوں کی آمدنی میں بھی اضافہ ہوسکے۔ وائس چانسلر نے متعلقہ افسران اور محکمہ کے اہلکاروں پر زور دیا کہ وہ زعفران کے کاشتکاروں کے ساتھ دوستانہ ماحول میں کام کریں اور اس شعبے میں تمام جدید ترین آلات کسانوں کے کھیت تک پہنچائیں، تاکہ اس کے ذریعہ زیادہ سے نوجوانوں کو راغب کیا جاسکے۔
- مزید پڑھیں: Saffron Boom in Kashmir: کشمیری زعفران کی پچیس سالوں میں ریکارڈ توڑ پیداوار
وائس چانسلر نے مزید کہا کہ 'یونیورسٹی ایگریکلچر شعبے کو ہر ممکن تعاون فراہم کرے گی، تاکہ کشمیری زعفران جو دنیا کی بہترین فصلوں میں سے ایک ہے نئی بلندیوں کو چھوسکے اور متعلقہ کسانوں کی سماجی و اقتصادی صورتحال کو بدلا جاسکے۔
