سری نگر: جموں وکشمیر کی گرمائی دارالحکومت سری نگر میں ریور پولیس نے دو کمسن لڑکوں کو ڈوبنے سے بچا لیا۔ سرکاری ذرائع نے بتایا کہ سری نگر کے راجباغ علاقے میں دو کم عمر لڑکوں نے نہانے کی غرض سے دریائے جہلم میں چھلانگ لگائی جس دوران وہ ڈوبنے لگے۔ انہوں نے بتایا کہ مستعد ریور پولیس اہلکاروں نے فوری کارروائی کرکے دونوں کو بچا لیا۔ Two Boys Saved from Drowning in Jhelum
کم عمر لڑکوں کی شناخت 14سالہ فہیم نثار ہندرو ساکن راجباغ اور 16سالہ احسن جاوید ولد جاوید احمد سرکن کرسو راجباغ کے بطور ہوئی۔ سرکار ی ذرائع کا مزید کہنا ہے کہ قلیل وقت میں ہی ریور پولیس نے ریسکیو آپریشن شروع کرکے دونوں لڑکوں کو غرقہ آب ہونے سے بچایا ۔
مقامی لوگوں نے ریور پولیس اہلکاروں کی سراہنا کرتے ہوئے کہاکہ اگر وہ مستعدی کا مظاہرہ نہیں کرتے تو دونوں کم عمر لڑکوں کو پانی کا تیز بہاؤ اپنے ساتھ بہا لے جاتا۔ دریں اثنا ریور پولیس نے لوگوں سے اپیل کی کہ وہ اپنے بچوں کو دریائے جہلم یا کسی اور ندی میں نہانے کی اجازت نہ دے۔
یہ بھی پڑھیں: کوکرناگ: 10 سالہ لڑکے کی ڈوبنے سے موت
یو این آئی
