سونہ مرگ میں ریچھ نمودار، تین افراد زخمی

وسطی کشمیر گاندربل کے سونہ مرگ کے تھجواس گلیشیر علاقے میں اس وقت سنسنی اور خوف کا ماحول پیدا ہوگیا جب وہاں ایک ریچھ اچانک نمودار ہوا جس نے تین خانہ بدوش بکروال قبیلے کے افراد کو زخمی کردیا۔

محکمۂ وائلڈ لائف کے ایک اہلکار نے بتایا کہ سونہ مرگ میں ایک ریچھ نمودار ہوا جس کی وجہ سے وہاں پر افراتفری کا ماحول پیدا ہوگیا۔

انہوں نے مزید بتایا کہ ریچھ نے تین بکر والوں کو معمولی زخمی کردیا اور وہ وہاں سے نزدیکی جنگل کی طرف فرار ہوگیا۔

واضح رہے کہ گزشتہ کچھ روز پہلے وسطی ضلع گاندربل کے مختلف علاقوں میں جنگلی جانوروں نے غذا کی تلاش کو لیکر انسانی بستیوں کا رخ کردیا جس کے نتیجے میں لوگوں میں تشویش کی لہر دوڑ گئی ہے۔

گزشتہ ہفتہ ززنہ گاندربل میں ایک تیندوے نے سات سالہ بچی کو از جان کیا تھا۔