پولیس کے ایک سینیئر آفیسر نے اس کارروائی کی تصدیق کرتے ہوئے کہا کہ مشتاق احمد، آفتاب احمد بٹ اور غلام مصطفیٰ کو ڈسٹرک پولیس لائن بھیجا گیا ہے۔'
آرڈر کاپی شیئر کرتے ہوئے اُن کا کہنا تھا کہ 'محمد اسحاق کو کوٹھے باغ پولیس اسٹیشن سے راج باغ بھیج دیا گیا ہے، مدثر نظر کو راج باغ سے کوٹھی باغ لایا گیا ہے، وہیں منظور احمد کو بغیاس پولیس اسٹیشن سے نہرو پارک بھیجا گیا ہے اور شیخ عادل کو بغیاس بھیجا گیا ہے۔ شوکت علی درزی کو اردو بازار سے میسوما بھیجا گیا ہے وہیں ظاہر نثار کو نشاط پولیس اسٹیشن بھیجا گیا ہے'۔ اُن کا کہنا ہے کہ 'ان تمام افسران پر صحافیوں کے ساتھ مار پیٹ کرنے کے الزامات عائد ہیں۔ یہ کارروائی ہنگامی بنیاد پر کی گئی ہے'۔
مزید پڑھیں: سرینگر میں صحافیوں اور عزاداروں کی پٹائی
واضح رہے کہ گزشتہ روز جموں و کشمیر کے گرمائی دارالحکومت سرینگر کے جہانگیر چوک میں پولیس نے صحافیوں کے ساتھ مارپیٹ کی۔ اس میں کئی صحافیوں کے زخمی ہونے کی خبر سامنے آئی۔
