سرینگر کے مضافات گنڈ حسی بٹ علاقے میں مجلس علماء امامیہ جموں و کشمیر کی جانب سے یوم حسین منعقد کیا گیا۔ جس میں وادی بھر کے علماء کرام نے شرکت کی۔ اس کے علاوہ کئی شعراء اور اسلامی اسکالروں نے پروگرام میں شرکت کی۔
اس حسینی کانفرنس میں وادی کے مختلف علاقوں سے تعلق رکھنے والے عقیدت مندوں نے شرکت کی۔ یوم حسین کانفرنس کے دوران مقررین نے پیغام حسینی اور موجودہ وقت میں امام حسینی کے کردار کو اپنی زندگی میں ڈھالنے پر روشنی ڈالتے ہوئے زور دیا۔
پروگرام کے دوران نوحہ خوانی، مرثیہ خوانی اور وعظ خوانی ہوئی اور کربلا کے میدان میں اسلام کی بقا کے لئے امام حسین کی قربانیوں کو یاد کیا گیا۔
علماء کرام اور اسلامی اسکالروں نے مذہبی آہنگی اور آپسی بھائی چارے کو بر قرار رکھنے پر زور دیتے ہوئے کہا کہ اگر ہم حسین کے پیروکار ہیں تو حقیقی حسینی بننے کو ترجیح دیں۔
مزید پڑھیں: یوم عاشورہ : اسلام زندہ ہوتا ہے ہر کربلا کے بعد
محرم الحرام اور یومِ عاشورہ کی فضیلت
پروگرام میں لوگوں نے اس وقت شہدائے کربلا کا ماتم کیا جب مقررین نے امام حسین اور ان کے اہل خانہ پر کربلا کے میدان میں ہوئے مظالم کا ذکر کیا۔
