مرکزی وزیر برائے خواتین و اطفال بہبود سمرتی ایرانی کشمیر کے دورے پر ہے۔انہوں نے بڈگام میں ہندجن مامت روڈ کا سنگ بنیاد رکھی۔ اس دوران ضلع ترقیاتی کمشنر بڈگام شہباز احمد مرزا، ڈی ڈی سی چیرمین بڈگام نذیر احمد خان کے علاوہ ایس ایس پی بڈگام اور ضلع کے کئی اعلی عہدیداروں نے مرکزی وزیر کا والہانہ استقبال کیا۔
روڈ کی سنگ بنیاد رکھنے کے بعد سمرتی ایرانی نے بڈگام ڈی سی آفس کے کانفرنس ہال میں ضلع انتظامیہ کے ساتھ میٹنگ منعقد کی میٹنگ میں انہوں نے ضلع میں جاری ترقیاتی کاموں کا جائزہ لیا۔اس میٹنگ میں انہوں نے ضلع انتظامیہ کو ہدایت دی کہ وہ ضلع کی ترقی کے لئے جاری اسکیموں پر کام میں سرت لائیں۔
مرکزی وزیر سمرتی ایرانی نے ایک ثقافتی پروگرام میں شرکت بھی کی ہے۔پروگرام کے دوران وزیر اعظم نریندر مودی کی پوشن ابھیان کے حوالے سے مختلف انداز میں جانکاری فراہم کی گئی.
اس دوران سمرتی ایرانی نے کورونا وائرس کے دوران آشا ورکروں کے کام کاج کا ذکر کرتے ہوئے ان کی حوصلہ افزائی کی۔ انہوں نے ان آشا ورکروں کو سلام پیش کرتے ہوئے کہا کہ کورونا وائرس کے دور میں ان کی محبت قابل ستائش ہیں
مزید پڑھیں:گاندربل: مرکزی وزیر ڈاکٹر بھاگوت راؤ کا دورہ
مرکزی وزیر نے محکمہ سوشل ویلفیئر کی جانب سے کئی بینیفشریز کو پوشن کٹ بھی دئے۔ مرکزی وذیر نے ذہرا پارک میں شجر کاری مہم میں حصہ لیا۔
میڈیا سے بات کرتے ہوئے سمرتی ایرانی نے کہا کہ بیک ٹو ولیج پروگرام کے دوران ضلع میں کافی کام ہوا ہے۔ انہوں نے کہا کہ عوامی نمائندوں سے بھی ملاقات کی جنہوں نے بیک ٹو ولیج کے حوالے سے مثبت فیڈ بیک دیا۔
