Srinagar Airport Records Highest Flights: سرینگر ہوائی اڈے کی تاریخ میں اٹھائیس مارچ مصروف ترین دن

سرینگر بین الاقوامی ہوائی اڈے میں 28 مارچ کا دن سب سے مصروف ترین دن رہا ہے۔ اس روز ہوائی اڈے پر 15 ہزار 14 مسافروں نے 90 پروازوں میں سفر کیا۔ اس سے پہلے سرینگر کے ہوائی اڈے پر ایک دن میں 13 ہزار 7 سو مسافروں نے ایک دن میں سفر کیا تھا۔ Sgr Airport Records Highest Ever Flight Operations

سرینگر: 28مارچ سرینگر بین الاقوامی ہوائی اڈے کی تاریخ میں سب سے مصروف ترین دن رہا، جس میں ریکارڈ تعداد میں ایک ہی دن میں 90 پروازیں چلائیں Flight Operations In Sgr Airport گئیں۔ ہوائی اڈے کے اعلی عہدیداران کے مطابق سرینگر ہوائی اڈے کی تاریخ میں یہ پہلا موقع ہے جب ایک ہی روز میں 15 ہزار 14 مسافروں نے 90 ہوائی پروازوں میں سفر کیا جن میں سے 45 پروازیں 7ہزار 824 مسافرین لے کر سرینگر لے آئی۔ جبکہ سرینگر سے 45 پروازوں نے 7 ہزار 190 مسافروں کو لے کر بیرون مقامات کے لیے اپنی اڑانیں بھری۔ اس سے پہلے سرینگر ہوائی اڈے پر 13ہزار 7سو مسافروں نے ایک ہی دن میں سفر کیا تھا۔

گزشتہ کل ریکارڈ تعداد میں ایئرپورٹ پر ہوائی جہازوں کی آواجاہی کے بیچ سرینگر ہوائی اڈے پر مقامی اور غیر مقامی مسافروں کا کافی رش دیکھنے کو ملا۔حکام کے مطابق بہار کے موسم کے ساتھ ہی کافی تعداد میں سیاح کشمیر کی سیر پر آرہے ہیں جس کے پیش نظر ہوائی اڈے پر مسافروں کا رش دیکھنے کو مل رہا ہے۔

سرینگر ہوائی اڈے کی تاریخ میں اٹھائیس مارچ مصروف ترین دن

ڈائریکٹر ایئرپورٹ کے مطابق مسافروں کے اس بھاری رش کو دیکھتے ہوئے ہوائی ڈاے پر انفراسٹرکچر کو مزید وسعت دی جارہی ہے۔ جس میں اہم اقدام کے طور پر نئی ٹرمنل عمارت کے علاوہ 6 ہوائی جہازوں کی پارکنگ اسٹینڈز کی تعمیر کے لیے تقریباً 1500 کروڑ روپے خرچ کیے جارہے ہیں، تاکہ مسافروں کے سفر کو آرام دہ اور آسان بنایا جاسکے۔