پروفیسر محمد امین پیرزادہ کو حال ہی میں اس سینٹر کے ڈائریکٹر کی حیثیت سے تعینات کئے جانے کے احکامات صادر کئے گئے تھے۔ پروفیسر محمد امین پیرزادہ نے کشمیر یونیورسٹی میں آج تک شعبۂ سوشل ورک کے بانی سربراہ کی حیثیت سے اپنی خدمات دینے کے ساتھ ساتھ سوشیالوجی شعبے کے سربراہ کے طور پر بھی کام کیا ہے۔
موصوف پالیسی ریسرچ اور پالیسی سازی میں بھی وسیع تجربہ رکھتے ہیں اور انہوں نے جموں وکشمیر میں پہاڑی طبقے کے لیے ریزرویشن سے متعلق تیار کی گئی پالیسی ساز کمیٹی کی سربراہی بھی انجام دی ہے۔
امید کی جارہی ہے کہ پروفیسر محمد امین پیرزادہ اپنے تجربے سے بطور ڈائریکٹر کشمیر اسٹدیز کی سرگرمیوں کو ایک نئی جہت دیں گے اور انسٹی ٹیوٹ ملکی اور بین الاقوامی اداروں کے ساتھ روابط کو استور کریں گے تاکہ یہاں کے طلباء کو وسیع تر تجربے حاصل ہوسکیں۔
مزید پڑھیں:خودکشی کی روک تھام کےلیے کشمیر یونیورسٹی کی جانب سے پروگرام کا اہتمام
خیال رہے کہ انسٹی ٹیوٹ آف کشمیر اسٹڈیز کشمیر یونیورسٹی میں تدریسی و تحقیق کے ایک اعلیٰ مرکز کے ساتھ ساتھ اینتھرا پالوجی میں ماسٹرس ڈگری پروگرام بھی چلایا جاتا ہے۔
