میٹنگ پی ڈی پی صدر محبوبہ مفتی کی رہائش گاہ پر منعقد ہوگی جس میں شرکت کے لئے پیپلز الائنس فار گپکار ڈکلریشن کے تمام ارکان کو مدعو کیا گیا ہے۔
میٹنگ میں آئندہ کے لائحہ عمل پر تبادلۂ خیال کیا جائے گا جبکہ محاذ کے لیے ایکزیکیوٹیو کونسل تشکیل دیے جانے کے علاوہ بی ڈی سی انتخابات پر غور وخوص کیا جائے گا۔
15 اکتوبر کو گپکار اعلامیہ کے دستخط کنندگان نے پیپلز الائنس فار گپکار ڈکلریشن نامی محاذ تشکیل دینے کے بعد یہ اعلان کیا تھا کہ یہ پلیٹ فارم جموں و کشمیر کی خصوصی حیثیت کی بحالی اور مسئلہ کشمیر کے حل کے لئے کام کرے گا۔
واضح رہے کہ جموں و کشمیر کی خصوصی پوزیشن کی منسوخی کے زائد از 14 ماہ بعد گپکار اعلامیہ کے دستخط کنندگان کی 15 اکتوبر کو سرینگر میں نیشنل کانفرنس کے صدر اور رکن پارلیمان ڈاکٹر فاروق کی سربراہی میں پہلی مٹینگ منعقد کی گئی تھی۔
