ضلع پلوامہ کے قصبہ پانپور میں تحصیل انتظامیہ پانپور کی جانب سے آج اراضی مافیاؤں کے خلاف کارروائی کی گئی۔ در اصل اراضی مافیوں کی جانب سے آبی ذخائر اور سرکاری زمینوں سے غیر قانونی طریقے سے مٹی نکالی گئی تھی۔ لیکن ضلع پلوامہ کے قصبہ پانپور کے تحصیلدار کی جانب سے مٹی کو ہٹا کر ان زمینوں کو سرکاری تحویل میں لیا گیا۔
تفصیلات کے مطابق تحصیل آفس پانپور کو بار ہا یہ شکایات موصول ہو رہی تھیں کہ پانپور کے مختلف علاقوں میں آبی ذخائر اور سرکاری زمینوں پر غیر قانونی طریقے سے مٹی کی بھرائی کر کے زمین کی حیثیت تبدیل کرنے کی کوشش کی جارہی ہے اور انہیں غیر معمولی قیمتوں پر فروخت کیا جارہا ہے۔ اس پر روک لگانے کے لیے تحصیلدار پانپور کی سربراہی میں آج ایک مہم چلاٸی گئی جس کے تحت اس غیر قانونی کام پر مکمل طور پابندی عاٸد کی گئی ہے۔
تحصیلدار پانپور اشتیاق محی الدین نے کہا کہ اراضی مافیاؤں کی جانب سے پبتراگ پانپور کے علاقہ میں سرکاری زمینوں پر غیر قانونی طریقے سے مٹی بھری گئی تھی۔ تاہم اب اسے مشینوں کے ذریعے سے ہٹایا جا رہا ہے۔ ان ذخائر اور سرکاری زمینات کو سرکاری کاموں میں استعمال کیاجائے گا۔
مزید پڑھیں:زرعی زمین پر ناجاٸز تعمیرات کے خلاف کارروائی، کئی ڈھانچے منہدم
انہوں نے کہا زمین مالکان کے ساتھ ساتھ اراضی مافیاوں کے خلاف لینڈ ریوینیو ایکٹ کے تحت کارروائی بھی کی گئی ہے۔
انہوں نے کہا اس غیرقانونی کام میں ملوث تمام افراد کے خلاف کارروائی کی جائے گی۔
