بڈگام کے ضلع ترقیاتی کمشنر شہباز احمد مرزا نے کورونا کی صورتحال پر ایک میٹنگ منقعد کی ہے جس میں سرکاری ڈگری کالجوں کے پرنسپل، سی ایم او بڈگام، ضلع کے تمام بی ایم او اور دیگر افسران نے شرکت کی۔ میٹنگ میں ڈی سی نے کہا کہ 18 تا 45 برس کے افراد کی ٹیکہ کاری مہم کو تیز کیا جائے گا اور خاص کر کالج اور یونیورسٹی جانے والے طلباء کے علاوہ اساتذہ کو بھی ٹیکہ لگوائے جائیں گے۔
ڈی سی نے کہا کہ آنے والے وقت میں کالج اور یونیورسٹی کھولنے کے امکانات ہے اس لیے طلباء اور اساتذہ کی ویکسینیشن کو یقینی بنائے جائیں۔ ضلع ترقیاتی کمشنر نے مزید کہا کہ تعلیمی اداروں میں ان ہی افراد کو داخل ہونے کی اجازت دی جائی گی جنہوں نے کورونا وائرس کے ٹیکہ لگوا لیں۔ ڈی سی کے اس دوران کالجوں کے پرنسپلز کو ہدایت دی کہ وہ طلباء کی ویکسینیشن ڈرائیو کے لیے ایکشن پلان تیار کرے اور اس بات کو یقینی بنائے کہ پہلے تمام اساتزہ ویکسینیٹد ہوں۔
