جموں وکشمیر کے ضلع گاندربل کے کنگن میں واقع ایک ہائی اسکول میں تقریباً 200 طلبہ زیر تعلیم ہیں لیکن اسکول میں صرف تین کمرے موجود ہیں۔ کمرے کم ہونے کی وجہ سے بچے کھلے آسمان کے نیچے تعلیم حاصل کر رہے ہیں۔ یہ اسکول سنہ 1942 میں قائم ہوا تھا۔ اسکول کے اساتذہ کا کہنا ہے کہ 'ہمارے پاس پڑھانے کے لیے صرف تین کمرے موجود ہیں اور ان تین کمروں میں دس کلاسز چلانا بہت مشکل ہے اور سب سے زیادہ بارش میں پریشانیوں کا سامنا کرنا پڑتا ہے۔' Only three rooms at Kungan High School
- یہ بھی پڑھیں: Land owner Locks Govt School in Ganderbal: گاندربل میں گورنمنٹ اسکول مقفل، اراضی مالک نے ملازمت کا کیا مطالبہ
مقامی لوگوں کے مطابق کئی مرتبہ لیڈران اور افسران کی جانب سے یقین دہانی کرائی گئی ہے لیکن اب تک اس کا کوئی حل نہیں نکلا ہے۔' اسکول کے اساتذہ اور مقامی لوگوں نے ڈپٹی کمشنر گاندربل کریتکا جیوتسنا سے اپیل کی ہے کہ اس اہم معاملے کی طرف توجہ دے کر اسکول میں زیر تعلیم بچوں کے مستقبل کو بچایا جائے۔ ڈی ڈی سی کنگن تسمینہ عادل نے بتایا کہ 'بچے قوم کا مستقبل ہیں اور ہمیں قوم کے اس مستقبل کو بچانا چاہیے، جب کہ انہوں نے یقین دلایا کہ کسی بھی صورت میں اسکول کی عمارت کو تعمیر کیا جائے گا۔'
