میڈیا سے بات کرتے ہوئے برہان وانی کے والد مظفر احمد وانی نے بتایا کہ گذشتہ روز سے ان کے تعلق سے سماجی ویب سائٹس پر طرح طرح کی باتیں کی جا رہی ہیں۔ تاہم انہوں نے واضح کیا ہے کہ نہ وہ نوکری سے استعفیٰ دے رہے ہیں اور نہ ہی استعفی دینے کا کوئی ارادہ ہے۔ مظفر احمد وانی اس وقت ترال گورنمنٹ گرلز ہائر سیکنڈری سکول کے پرنسپل ہیں۔
انہوں نے کہا کہ تمام اسکولز کے ہیڈز کو یوم آزادی کے حوالے سے جھنڈا لہرانے کی ہدایات دی گئی ہیں اور ان کو بھی اسی طرح کا آرڈر دیا گیا ہے۔
انہوں نے مزید کہا ہے انتطامیہ کی جانب سے ان کے لیے کوئی خصوصی حکمنامہ جاری نہیں گیا گیا ہے۔
مزید پرھیں:
ہم آپ کو بتا دیں کہ شریف آباد ترال کے رہنے والے 22 سالہ برہان وانی کو 8 جولائی 2016 کو جنوبی کشمیر کے کوکرناگ علاقے میں ایک مختصر جھڑپ کے دوران اپنے دو ساتھیوں سمیت ہلاک کر دیا گیا تھا اور اس کی ہلاکت کو سیکورٹی ایجنسیوں نے ایک بڑی کامیابی قرار دیا تھا۔
برہان وانی کو حزب المجاہدین کا پوسٹر بوائے قراردیا جاتا تھا۔ تاہم اس کی ہلاکت کے بعد وادی میں امن و قانون کی صورتحال انتہائی خراب ہو گئی تھی جس کے بعد وادی میں 55 روز تک کرفیو نافذ کیا گیا تھا۔
