نوجوان کتابیں پڑھنے کی طرف کم دلچسپی کے ساتھ ساتھ مطالعے سے بھی گریز کر رہے ہیں، لیکن کتاب کی اہمیت اپنی جگہ مسلمہ ہے۔
کتب بینی کی طرف نوجوانوان کو مائل کرنے کی غرض سے ضلع انتظامیہ سرینگر نے ایک پہل کے طور شہر سرینگر میں 21 نئی لائبریریز قائم کی ہیں۔
سرینگر کے بڑے تعلیمی اداروں پیشہ وارانہ کالجز اور ہاسٹلز میں لائبریریز بنائی گئی ہیں جن میں طلبا کی دلچسپی کے لیے مختلف قسم کی کتابیں مہا کرائی گئی ہیں۔
سائنسی علوم، سیاسی مضامین، مسابقطی امتحانات، تاریخی اور ثقافتی ورثے کےعلاوہ دیگر علوم کی کتابیں بھی طلبا کے لیے ان لائبریریز میں رکھی گئی ہیں۔
نوجوانوں کو کتب بینی اور مطالعے کی طرف راغب کرنا مشکل کام ہے حالانکہ موجودہ دور میں بڑھتے نفسیاتی مسائل سے بچنے کے لیے ماہر نفسیات نے بچوں کے لیے مطالعے کو لازمی قرار دے رہے ہیں۔
کیونکہ اچھی کتابیں شعور کو جِلا بخشنے کے ساتھ ساتھ بہت سے فضول مشغلوں سے دور رکھنے کے لیے بھی معاون و مدد گار ثابت ہوتی ہیں۔
گورنمنٹ میڈیکل کالج سرینگر کے گرلز ہوسٹل میں قائم کیے گئے اس کتب خانے میں کالج کے ہوسٹل میں قیام پذیر طالبات اپنے فارغ وقت میں دستیاب کتابوں سے بھر پور فائدہ اٹھا سکتی ہیں۔
سمارٹ سٹی پروجیکٹ کے تحت نوجوانوں کو کتابیں پڑھنے کی طرف مائل کرنے کی غرض سے مزید 300 لائبریریز قائم کرنے کا منصوبہ بنایا گیا ہے جس کی رو سے ضلع کی ہر ایک پنچایت میں اسی طرح کے کتب خانے قائم کیے جائیں گے۔
بلاشبہ کتابیں انسانی زندگی پر اچھے اثرات مرتب کرنے کے علاوہ مزاج میں نرمی بھی پیدا کرتی ہیں۔
