غیر مقامی باشندوں کو جموں کشمیر اسمبلی انتخابات میں ووٹنگ حقوق دینے کے تنازعہ پر یونین ٹریٹری کے چیف الیکٹورل آفیسر ہردیش کمار سنگھ نے پانچ ستمبر کو جموں و کشمیر کی سیاسی جماعتوں کے ساتھ میٹنگ طلب کی ہے،یہ میٹنگ جموں ضلع کے نرواچن بھون میں پیر کو منعقد ہوگی، جس میں نیشنل کانفرنس، بی جے پی، پی ڈی پی، کانگرس اور پیپلز کانفرنس کو شرکت کے لئے مدعو کیا گیا ہے۔
بتایا جارہا ہے کہ اس میٹنگ میں ووٹنگ لسٹ میں غیر مقامی باشندوں کے ناموں کے اندارج سے متعلق متعدد پہلؤں پر تبادلہ خیال کیا جائیگا۔
واضح رہے کہ گزشتہ ہفتے چیف الیکٹورل آفیسر ہردیش کمار سنگھ نے کہا تھا کہ ووٹر لسٹ میں پچیس لاکھ نئے ووٹرز کا اندراج ہوگا اور غیر مقامی باشندوں کو بھی اسمبلی انتخابات میں ووٹ ڈالنے کے حقوق ملنے کے بعد وہ حق رائے دہی کا استعمال کرینگے،جس کے بعد تنازعہ کھڑا ہوا ،جس پر بی جے پی کے علاوہتمام سیاسی جماعتوں نے ناراضگی ظاہر کی تھی۔
چیف الیکٹورل آفیسر 15 ستمبر کو الیکٹورل رول کا مسودہ پیش کریں گے اور 25 اکتوبر تک اس پر تجاویز و اعتراض پیش کئے جاسکتے ہے جبکہ 25 نومبر کو حتمی ووٹر لسٹ شائع کیا جائیگا۔
