خطہ چناب کے ضلع ڈوڈہ میں ایسوسیٹ اسپتال میڈیکل کالج ڈوڈہ کے احاطہ میں حال ہی تعمیر شُدہ آکسیجن جنریشن پلانٹ کو ایک ہفتہ کی ٹرائل کے بعد کامیابی کے ساتھ پائپ لائن کے ذریعہ وارڈوں کو سپلائی کرنے کا کام شروع کردیا گیا ہے۔
کورونا بحران کے درمیان آج 750 لیٹر فی منٹ (ایل پی ایم) آکسیجن جنریشن پلانٹ کامیابی کے ساتھ شروع کیا گیا ہے۔ جسے پہلے ہی کووڈ اسپتال کے نام سے منسوب کیا گیا تھا۔
اس موقع پر ڈپٹی کمشنر ڈوڈہ وکاس شرما نے بتایا کہ پلانٹ لگنے سے اسپتال آکسیجن کی ضروریات کو پورا کرنے میں خود کفیل ہوگیا ہے اور اب مریضوں باہر سے آنے والے آکسیجن سلینڈر کی ضرورت زیادہ نہیں ہوگی۔
انہوں نے کہا کہ اس او جی پی کو مزید ایک ہزار ایل پی ایم پلانٹ فراہم کیا جائے گا۔ جس کے لئے متعلقہ حکام کی جانب سے ڈی پی آر تیار کیا جارہا ہے۔ساتھ ہی سی ایچ سی بھدرواہ اور گندوہ کے لئے آکسیجن جنریشن پلانٹ کے لئے بھی ڈی پی آر تیار کیا جارہا ہے۔
ڈی سی ڈوڈہ نے جی ایم سی ڈوہ کے پرنسپل ڈاکٹر دنیش کمار کے ہمراہ آج نئے نصب آکسیجن جنریشن پلانٹ کے کام کا معائنہ کیا اور متعلقین کو ہدایت کی کہ وہ پلانٹ اور اس کے کام کاج کی نگرانی کریں اور اسپتال میں کووڈ 19 مریضوں کے لئے بستر کی تعداد کو بڑھا دیں۔
