ریاسی: فاروق عبداللہ پارٹی رہنما بابو رام کے اہلخانہ سے ملاقات اور اظہار تعزیت کے لیے ریاسی پہنچے تھے۔ اسی دوران انہوں نے بی جے پی حکومت پر تنقید کی۔ انہوں نے صحافیوں سے بات کرتے ہوئے کہا کہ میں ریاسی بابو رام کی موت کے بعد پہلی مرتبہ یہاں آیا ہوں ان کے اہلخانہ سے اظہار تعزیت کے لیے۔
جب تک انصاف نہیں کیا جاتا تب ہلاکتوں کا سلسلہ نہیں رکے گا، فاروق عبداللہ
ٹارگیٹ کلنگ پر انہوں نے کہا کہ یہ کبھی بند نہیں ہوگا جب تک انصاف نہیں کیا جاتا تب تک کبھی نہیں بند ہوگا۔ انہوں نے کہا کہ یہ لوگ پہلے بہت شور کرتے تھے کہ 370 کی وجہ سے ٹارگیٹ کلنگ ہورہی تھی پھر اب 370 کے منسوخی کے بعد لوگوں کی موت کیوں ہورہی ہے۔اس کا ذمہ دار کون ہے۔ انہوں نے کہا کہ اگر جموں و کشمیر کے حالات بہتر ہوتے تو بے قصور پنڈت مارا نہیں جاتا۔
