عدالتی فیصلہ فرقہ وارانہ سیاست پر طمانچہ

کھٹوعہ جنسی زیادتی اور قتل کیس کے عدالتی فیصلے کا کشمیری عوام نے خیر مقدم کیا۔

کشمیری عوام کا کہنا ہے کہ عدالت کا فیصلہ فرقہ وارانہ سیاست پر زناٹے دارطمانچہ ہے۔

کشمیر کے ایک صحافی نے فیصلے پر اپنے رد عمل کا اظہار کر تے ہو ئے کہا:'یہ ہم سب کے لیے خوشی کا مقام ہے، عدالت کے فیصلے نے یہ ثابت کر دیا کہ سیاسی چالبازی اور مذہبی تعصب کی بنیاد پرمجرم بچ نہیں سکتے'۔انہوں نے کہا کہ اس فیصلے عدالت اور قانونی نظام پر عوام کا اعتماد مضبوط ہواہے۔کشمیر کی معروف سماجی کارکن تنویر فاطمہ نے عدالتی فیصلے کا خیر مقدم کرتے ہوئے کہا کہ یہ فیصلہ خواتین کو حوصلہ دینے والا ہے۔تنویر فاطمہ نے کہا کہ عدالت کا فیصلہ بچی اور اس کے لواحقین کے حق میں ہونے سے ان کو انصاف ملا ہے۔

انہوں نے مزید کہا کہ موجودہ سیاسی صورتحال کے پیش نظر ملک کے عوام اور خواتین کو صرف عدالت پر ہی زیادہ اعتماد رہا ہے۔