جموں و کشمر کے ضلع بڈگام میں آج جسٹس سندھو شرما نے دورہ کیا اس دوران ضلع کے کورٹ کمپلیکس میں جسٹس سندھو کو گارڈ آف آنر دیکر استقبال کیا گیاـ
سندھو نے کورٹ کمپلیکس میں ایک میٹنگ منعقد کی جس کے دوران انہیں ضلع کے عدالتوں کے کام کاج کے طریقےکے حوالے سے جانکاری فراہم کی گئی۔
پرنسپل ڈسٹرکٹ اینڈ سیشن جج بڈگام محمد اشرف ملک نے جسٹس سندھو کو عدالت میں قانونی سرگرمیوں اور کام کاج کے ساتھ ساتھ دیگر عمل کی جانکاری فراہم کی۔
میٹنگ میں ضلع ترقیاتی کمشنر بڈگام شہباز احمد مرزا کے علاوہ جوائنٹ رجسٹرار ہائی کورٹ عبد الباری، ایڈیشنل ڈسٹرکٹ جج سنیل سانگرا، ایس ایس پی بڈگام طاہر سلیم، ڈسٹرکٹ لیگل سروسز اتھارٹی کی سیکریٹری فوزیہ پال کے علاوہ کئی اعلیٰ افسران نے بھی شرکت کی۔
میٹنگ کے بعد جسٹس سندھو نے نئے ضلع کورٹ کمپلیکس کے لئے مختص کی گئی جگہ کا بھی دورہ کیا۔ اس دوران انہوں نے متعلقہ محکموں پر زور دیتے ہوئے کہا کہ نیا کورٹ کمپلیکس بنانے کی سبھی فارملٹیز کو پورا کیا جائے. انہوں نے مزید کہا کہ نئے کورٹ کمپلیکس میں تمام طرح کی سہولت کو بہم رکھا جائے گا۔
