جموں وکشمیر میں بے روزگاری نے چاروں اطراف اپنا جال بچھا رکھا ہے، جس کی وجہ سے تعلیم یافتہ بے روزگار نوجوان ذہنی تناو کے شکار ہو رہے ہیں۔ اس اہم معاملے پر روک تھام لگانے کےلئے اور روزگار کا حل ڈھونڈنے کےلئے ڈسٹرکٹ سکل کمیٹی کی جانب سے گاندربل منی سیکرٹریٹ کی پارک میں ایک مفت جانکاری کیمپ کا انعقاد کیا گیا۔
کیمپ کا انعقاد ڈسٹرکٹ سکل کمیٹی گاندربل نے کیا ہے ۔ اس جانکاری کیمپ میں گاندربل میں موجود مختلف محکمہ جات نے اپنے اپنے کیمپ لگا کر بے روزگار نوجوانوں کو روزگار کمانے کے بارے میں مختلف قسم کی جانکاری فراہم کی، تاکہ تعلیم یافتہ نوجوان روزگار کما سکے۔
اس جانکاری کیمپ میں سرکاری محکمہ جات کے ساتھ ساتھ پرائیویٹ سیکٹر سے وابستہ کاروباری اشخاص نے بھی اپنے اپنے اسٹال قائم کرکے نوجوانوں کو جانکاری فراہم کی اس دوران تعلیم یافتہ نوجوان کو مختلف کورسز کے بارے میں جانکاری دی تاکہ وہ خود ہی اپنا روزگار کما سکے۔
اس موقع پر سکل ڈیولپمنٹ کمیٹی کے ذمہ دار آفیسر نے اپنا تجربہ بیان کرتے ہوئے کہا کہ کس طرح سے بےروزگار ٹیکنکل اور نان ٹیکنکل نوجوان اپنا روزگار کما کر دوسروں کو بھی روزگار فراہم کر سکتے۔
دوسری جانب انڈسٹریل ٹریننگ انسٹی ٹیوٹ گاندربل کے سربراہ نے حکومت کی طرف سے لانچ کی گئی اسکیم جس کا نام "SANKLP" ہے کے بارے میں جانکاری فراہم کی۔ انہوں نے نوجوانوں سے اس اسکیم کا فائدہ اٹھا کر روزگار کے مواقع حاصل کرنے پر زور دیا ۔
کیمپ میں ضلع میں کام کرنے والے ان نوجوانوں نے بھی بے روزگار نوجوانوں کو جانکاری فراہم کی جنہوں نے اپنا کاروبار کھڑا کرکے دوسرے نوجوانوں کو روزگار کے مواقع فراہم کیے ہیں۔
