میچ کا رخ تب بدلا جب جموں و کشمیر بینک کے کھلاڑی عاقب ریش نے 55ویں منٹ میں گول کرکے اپنی ٹیم کو سبقت دلائی۔ پھر 75ویں منٹ پر ریش نے دوسرا گول کرکے میچ پر اپنی ٹیم کی پکڑ مضبوط کردی۔ تاہم شاہنواز بشیر نے 80ویں منٹ پر جوابی حملہ کرتے ہوئے اپنی ٹیم حیدریہ اسپورٹس کے لیے پہلا گول کیا۔ وہیں ریش نے ایک بار پھر حیدریہ اسپورٹس کے گول کا جواب دیتے ہوئے ایک اور گول کردیا۔ اسی کے ساتھ وہ اس لیگ میں ہیٹ ٹرک کرنے والے پہلے کھلاڑی بنے۔
اتنا ہی نہیں بلکہ ریش نے میچ کے آخری پانچ منٹ میں ایک اور گول کر کے اپنی ٹیم کی جیت یقینی بنادی۔ جس کے بعد جے کے بینک کے کھلاڑی پریم کمار نے گول کیا۔
دونوں ٹیموں کے شاندار کھیل کے مظاہرے کے باوجود جے کے بینک کی ٹیم نے حیدریہ اسپورٹس کو پانچ- ایک سے شکست دی۔ اپنے زبردست کھیل کے لیے ریش کو میں آف دی میچ سے بھی نوازا گیا۔
مزید پڑھیں:جے کے ایف اے پروفیشنل لیگ 2021: ریئل کشمیر نے ایس ایف اے کو شکست دی
واضح رہے کہ اس لیگ کا انعقاد پہلی بار جموں و کشمیر فٹبال ایسوسی ایشن اور اسپورٹس ایسوسی ایشن کے اشتراک سے سرینگر کے اسنتھیٹک فٹبال گراونڈ پر کھیلا جارہا ہے۔
