سرینگر کے پارمپورہ میں ہولناک آتشزدگی، آدھی بستی خاکستر

گذشتہ اتوار کو پارمپورہ میوہ منڈی کے قریب بجلی کی وجہ سے ایک گھر میں آگ لگ گئی۔ یہ آگ رفتہ رفتہ ایک سے دوسرے گھر ہوتے ہوئے آدھی بستی میں پھیل گئی۔ متاثرین کے مطابق اس آگ سے 50 سے زائد مکان خاکستر ہوئے اور سینکڑوں افراد بے گھر ہوگئے-

سرینگر کے قمر واری علاقے کی ایک بستی کے رہنے والے عاقب اور نازیہ دونوں بھائی بہن ہیں۔ نازیہ کی شادی 16 اکتوبر کو طے تھی۔ لیکن ان کی بستی میں ہولناک آگ کی واردات نے ان کی خوشیوں کو غم میں بدل دیا۔

گذشتہ اتوار کو پارمپورہ میوہ منڈی کے قریب بجلی کی وجہ سے ایک گھر میں آگ لگ گئی، یہ آگ رفتہ رفتہ ایک سے دوسرے گھر ہوتے ہوئے آدھی بستی میں پھیل گئی۔ متاثرین کے مطابق اس آگ سے 50 سے زائد مکان خاکستر ہوئے اور سینکڑوں افراد بے گھر ہوگئے۔

مذکورہ بستی سرینگر کے ڈپٹی کمشنر اور صوبائی کشمنر کے دفاتر سے پانچ کلو میٹر کے فاصلے پر واقع ہے۔ لیکن ان افسران نے ان متاثرین کی امداد کے لئے وہاں جانا گوراہ بھی نہیں کیا، جس کے سبب یہ متاثرین انتظامیہ کے خلاف نالاں ہیں۔ انتظامیہ کے ساتھ ساتھ این جی او یا رضاکارانہ تنطیم کے کارکنان بھی ان متاثرین کی مدد کے لئے آگے نہیں آئے۔

اب تو وادی کشمیر میں سال کی پہلی برفباری کے ساتھ ہی موسم سرما نے دستک دے دی ہے اور رفتہ رفتہ سردی میں اضافہ ہی ہوتا جائے گا، ایسے میں ان متاثرین کا کیا ہوگا، جو اب بغیر چھت، کھلے آسمان کے نیچے رہنے پر مجبور ہیں۔