Chillai Kalan Begins In J&K: ''شہنشاہ زمستان'' یعنی ''چلہ کلان'' ایک بار پھر جلوہ افروز

وادی کشمیر میں خشک موسم اور ٹھٹھرتی سردی کے بیچ پیر اور بدھ کی درمیان شب سے سخت سردیوں کے چالیس دنوں پر محیط'چلہ کلان' کا آغاز Chillai Kalan Begins In J&K ہوگیا ہے۔ چلہ کلان کو شہنشہاہ زمستان کے نام سے بھی جانا جاتا ہے۔جو کہ 21 دسمبر سے شروع ہوکر 31 جنوری کو اختتام پذیر ہو جاتا ہے۔

وادی کشمیر میں خشک موسم اور ٹھٹھرتی سردی کے بیچ پیر اور بدھ کی درمیان شب سے سخت سردیوں کے چالیس دنوں پر محیط چلہ کلان کا آغاز ہوگیا Chillai Kalan Begins In J&K ہے۔چلہ کلان کو شہنشہاہ زمستان کے نام سے بھی جانا جاتا ہے۔جو کہ 21 دسمبر سے شروع ہوکر 31 جنوری کو اختتام پذیر ہو جاتا ہے۔

چلہ کلان کے دوران کپکپا دینے والی ٹھنڈ میں مزید اضافہ ہوجاتا ہے جبکہ بھاری برف باری Snowfall In Kashmirاور درجہ حرارت نقطہ انجماد سے کافی نیچے درج ہونے کے باعث آبی ذخائر یہاں تک کہ گھروں میں پانی کے نل بھی منجمد ہوجاتے ہیں۔

شہنشاہ زمستان اپنے چالیس روز کے دوران اپنا تمام تر طاقت اور زور استعمال کر کے لوگوں کو سخت ترین مشکلات سے دوچار کرنے میں میں کوئی کسر باقی نہیں چھوڑتا ہے۔عمومی طور پر اگچہ چلہ کلان میں یخ بستہ ہوائوں کی وجہ سے پوری وادی شدید سردی کی لپیٹ میں آجاتی ہے، لیکن امسال نومبر کے مہینے سے ہی کڑا کے کی ٹھنڈ اور منفی درجہ حرارت نے لوگوں کو پہلے ہی مشکلات سے دوچار کردیا ہے۔ دن میں کھلی دھوپ نکلنے اور رات کے اوقات میں آسمان صاف رہنے کے نتیجے میں رات کے درجہ حرارت میں لگاتار کمی ریکارڈ کی جارہی ہے۔ وہیں صبح کافی دیر تک کم روشنی کے سبب گاڑیاں سڑکوں پر نظر ہی نہیں آتی ہیں۔چلہ کلان کی آمد کے ساتھ ہی وادی میں جھیل ڈل سمیت دیگر آبی ذخائر جم جاتےDal Lake Freezes ہیں۔ 21دسمبر سے 70دنوں پر محیط شدید سردی کے تین مراحل سے یہاں کے لوگوں کو سامنا کرنا پڑتا ہے۔جس میں چلہ کلان کے 40 روز،چلہ خورد کے 20 اور چلہ بچہ کے 10 شامل ہیں اور انہی ایام کے دوران سردی کے نئے ریکارڈ درج کئے جاتے ہیں۔

رواں برس چلہ کلان سے قبل تین بار برف باری ہوئی ہے۔وہیں دسمبر کا مہینہ شروع ہوتے ہی درجہ حرارت میں کمی درج کیا جارہا ہے۔اس دوران یکم اور 2 دسمبر کی درمیانی رات کا کم سے کم درجہ حرارت منفی 1.8 ڈگری سیلسیس ریکارڈ کیا گیا۔جبکہ 17 اور 18 دسمبر کی درمیانی رات کا کم سے کم درجہ حرارت منفی 6 ڈگری رہا۔ادھر سرینگر میں گزشتہ شب یعنی 20 اور 21 دسمبر کی درمیانی رات کا کم سے کم درجہ حرارت منفی 2.8 ڈگری سیلسیس درج کیا گیا۔

محکمہ موسمیاتMeteorological Department Kashmir کے مطابق چلہ کلان میں موسم خشک رہنے سے درجہ حرارت میں میں مزید کمی ہونے کا امکان ہے جبکہ 22 سے 25 دسمبر کے درمیان رات میدانی اور بالائی علاقوں میں ہلکی سے درمیانہ درجے کی برفباری کی بھی پیشن گوئی کی گئی ہے۔