پنجاب کے لدھیانہ کے گرونانک اسٹیڈیم میں رئیل کشمیر ایف سی اور منرواپنجاب ایف سی کی ٹیمیں آ منے سامنے ہوں گی۔
اس وقت آ ئی لیگ کے پوائنٹ ٹیبل میں کولکاتا کی ٹیم موہن بگان 12 میچوں میں 29 پوائنٹ کے ساتھ پہلی پوزیشن پر ہے اور اس کی خطابی دوڑ میں راہ ہموار ہے۔
اس کے علاوہ منرواپنجاب ایف سی 18 پوائنٹ کے ساتھ دوسری پوزیشن پر ہے گوکھلم کیرالہ ایف سی 17 پوائنٹ کے ساتھ بالترتیب دوسری اور تیسری پوزیشن پر ہے۔
چرچل برادرس 10 میچوں میں 16 پوائنٹ اور رئیل کشمیر ایف سی نو میچوں میں 15 پوائنٹ کے ساتھ بالترتیب چوتھی اور پانچویں پوزیشن پر ہے ۔
منرواپنجاب ایف سی کو کل کے میچ میں کامیابی ملتی ہے وہ 21 پوائنٹ کے ساتھ اپنی دوسری پوزیشن مزید مستحکم کرسکتی ہے شکست کی صورت میں اسے دوسری پوزیشن گنوانی پڑسکتی ہے۔
تقریباً رئیل کشمیر ایف سی کے لئے یکساں صورتحال ہے۔ رئیل کشمیر کو جیت حاصل کرکے منرواپنجاب ایف سی کو دوسری پوزیشن سے بے دخل کرسکتی ہے۔ جیت کی صورت میں رئیل کشمیر اف سی18 پوائنٹ کے ساتھ دوسری پوزیشن پر پہنچ سکتی ہے۔
رئیل کشمیر ایف سی کے کوچ کاکہنا ہے کہ لیگ کے تمام میچ ہمارے لئے اہم ہے۔ ہمیں ہر میچ میں پوائنٹ حاصل کرنے کے ارادے سے میدان میں اترنا ہوگا۔
انہوں نے کہاکہ ہماری ٹیم مضبوط اور متوازن ہے۔ گزشتہ میچ میں ایزوال ایف سی پر ملی جیت سے کھلاڑیوں کے حوصلے بلند ہے۔ کل کے میچ میں جیت کے ارادے سے میدان میں اتریں گے۔
دوسری طرف منرواپنجاب ایف سی کے کوچ کل کے میچ میں جیت کے لئے پرُعزم ہیں۔ انہوں نے کہاکہ کل کے میچ میں ہمیں جیت ملے گی اور خطابی دوڑ میں موہن بگان کو چیلنج پیش کریں گے۔
