گاندربل میں محکمہ پی ڈی ڈی کے ڈیلی ویجز ملازمین نے افسران کے خلاف زور دار احتجاج کیا، اگرچہ انتظامیہ نے کئی سال قبل محکمہ میں کام کر رہے عارضی ملازمین کی ایک لسٹ مانگی تھی۔ اس سے قبل بھی گاندربل سب ٹرانسمیشن ڈویژن کے افسران نے سال 2020 سے قبل ایک لسٹ تیار کرکے اعلیٰ افسران کے سپرد کی تھی۔
یونین ضلع صدر گاندربل کے مطابق اس وقت 150 کے قریب ملازمین ڈراپ آوٹ ہوئے تھے۔ پھر معاملہ چلتا رہا عارضی ملازمین ڈیوٹی دیتے رہے اور کچھ لوگ اپنے ویجز بھی حاصل کرتے رہے۔ اب چونکہ انتظامیہ نے حال ہی میں ایک اشارہ دیا ہے کہ تقریبا 12000 ملازمین کو مستقل کیا جائے گا، اب اس اعلان کے بعد ان 150 ڈراپ آوٹ ملازمین نے بھی اپنا حق مانگنا شروع کردیا ہے۔ Daily Workers Protest in Ganderbal
اپنے ان مطالبات کے پیش نظر ڈراپ آوٹ ملازمین نے دھرنا دیا اور اپنا لسٹ آگے روانہ کرنے کی فریاد کی۔ ملازمین کے مطابق ان ملازمین نے رات دن دھرنے پر بیٹھنے کا پروگرام بنایا تھا، جبکہ یہ لوگ کہتے ہیں کہ اگرچہ ایکزیکٹیو انجینئر انکی مدد کر رہے ہیں، تاہم دفتر میں موجود باقی عملہ انہیں نچا رہا ہے اور لسٹ بنانے کے معاملے کو لے کر آج کل پر ٹالا جا رہا ہے۔
- مزید پڑھیں: Jal Shakti Daily Wagers Protest in Poonch: محکمہ جل شکتی میں کام کر رہے عارضی ملازمین کا احتجاج
اس دوران ایکزیکٹیو انجینئر نے یقین دہانی کرائی جس کے بعد فی الحال دھرنا ختم ہوگیا۔ انہوں نے کہا ہے کہ اگر ہمارا مطالبہ نہیں مانا گیا ہے تو پھر ہم جو بھی قدم اٹھائیں گے اس کی ذمہ داری ایکزیکٹیو انجینئر کی ہوگی۔ اس سلسلے میں ایکزیکٹیو انجینئر سب ٹرانسمیشن ڈویژن گاندربل نے کہا ہے کہ لسٹ تیار کرنے میں چار افرادلگے ہوئے ہیں اور لسٹ تیار ہوتے ہی اگلے چند دنوں کے اندر اعلیٰ افسران کو سونپ دیا جائے گا۔
