ایل جی انتظامیہ کی جانب سے جاری کردہ ایک حکمنامے میں کہا گیا ہے کہ کورونا کی دوسری لہر کے دوران آکسیجن کی زیادہ ضرورت محسوس کی جائے گئی اور اب جبکہ تیسری لہر کے امکانات ظاہر کئے جارہے ہیں تو اس لہر کے لیے پہلے ہی تیاریوں کو حتمی شکل دے کر مکمل کرنے کی ضرورت ہے۔
جاری کردہ نوٹفکیشن میں جموں وکشمیر کی حدود میں قائم 50 بستروں پر مشتمل نجی کلینکوں اور ہسپتالوں کےمنتظمین کو ہدایت دی گئی ہے کہ وہ اپنے یہاں مریضوں کی ضرورت کو مدنظر رکھتے مناسب صلاحیت والے آکسیجن پلانٹ قائم کریں تاکہ کورونا وائرس کی ممکنہ تیسری لہر آنے کی صورت میں پیدا ہونے والی صورتحال کا مقابلہ کیا جاسکے۔
مزید پڑھیں:
خیال رہے جموں وکشمیر میں انتظامیہ کی جانب سے یہ ہدایات ماہرین کے ان خدشات کے درمیان جاری کی گئی ہیں جن میں یہ اندیشہ ظاہر کیا جارہا ہے کہ کورونا کی تیسری لہر آنے کا امکان ہے اور دوسری لہر کی طرح تیسری لہر کے دوران بھی کورونا مریضوں کو آکسیجن کی ضرورت پڑسکتی۔
