Mehbooba Mufti on Jobs: مرکزی حکومت کے دعوے جھوٹ پر مبنی، محبوبہ مفتی

جموں و کشمیر کی سابق وزیراعلیٰ محبوبہ مفتی نے کہا کہ 'مرکزی حکومت کی جانب سے جموں و کشمیر میں نوجوانوں کو روزگار دینے کے حوالے سے تمام دعوے جھوٹے ہیں۔ Mehbooba Mufti on Jobs

سرینگر: جموں و کشمیر کی سابق وزیر اعلی اور پیپلز ڈیموکریٹک پارٹی (پی ڈی پی) کے سربراہ محبوبہ مفتی نے مرکزی حکومت کو تنقید کا نشانہ بنایا ہے۔ انہوں نے جموں و کشمیر میں بے روزگاروں کو روزگار دینے کے حوالے سے مرکز کی جانب سے کے گئے دعوے کو جھوٹا قرار دیا۔۔Mehbooba Mufti on Jobs

مرکزی حکومت کے دعوے جھوٹ پر مبنی

سماجی رابطہ ویب سائٹ ٹوئٹر پر اپنا بیان جاری کرتے ہوئے محبوبہ مفتی نے کہا کہ 'جموں و کشمیر میں 30000 نوکریاں فراہم کرنے کے مرکزی سرکار کے جھوٹے دعوے سچ نہیں ہو سکتے۔ ہر بھرتی کا عمل بدعنوانی کی زد میں ہیں چاہے جموں و کشمیر پولیس سب انسپکٹرز بھرتی معاملہ ہو یا فنانس اکاؤنٹس اسسٹنٹ معاملہ۔"محبوبہ مفتی نے مزید کہا کہ 'مجرموں کے نام منظر عام پر لانے اور انہیں سزا دینے کے بجائے فہرست کو کالعدم کرکے امیدواروں کو اجتماعی سزائیں دی جارہی ہیں۔"

بتادیں کہ مرکزی وزیر مملکت برائے داخلہ نتیانند رائے نےلوک سبھا میں کہا کہ جموں و کشمیر انتظامیہ نے 2019 سے پبلک سیکٹر میں تقریباً 30,000 نوجوانوں کو نوکری دی ہے۔ انہوں نے کہا کہ اگست 2019 سے جون 2022 تک خود روزگار اسکیموں کے ذریعے 5.2 لاکھ نوجوانوں کے لیے روزگار پیدا کیا گیا ہے۔