جموں و کشمیر کے ضلع گاندربل کی اہم شاہراہ جسے کچھ نمبل چھتر گل سڑک سے جانا جاتا ہے۔ مقامی باشندوں کا کہنا ہے کہ سڑک کی خستہ حالی سے متعلق انہوں نے کئی احتجاج کئے۔ لوگوں کا یہ بھی کہنا تھا کہ سڑک کی خستہ حالی کے سبب مسافر بردار گاڑی مالکان اپنی گاڑیوں کا چلانے سے گریز کر رہے ہیں۔
لوگوں کا کہنا ہے کہ چند روز قبل مذکورہ سڑک پر مرمت کرنے کا کام شروع کیا گیا تھا لیکن تعمیراتی کام میں غیر معیاری مٹیریل کا استعمال کیا گیا جبکہ چند مقامات پر میگڈم ڈالا گیا۔
اس کے بعد علاقے کے لوگوں نے ای ٹی وی بھارت کے نمائندے سے رابطہ کرکے پورے معاملے سے آگاہ کرایا ۔
ای ٹی وی بھارت پر خبر شائع ہونے کے فوراً بعد محکمہ پی ایم جی ایس وای کے چیف انجینئر نے از خود کچھ نمبل چھتر گل علاقے کا دورہ کرکے پرانے میٹریل کو واپس اٹھاکر اس سڑک کی تعمیر میں اچھی کوالیٹی کا میٹریل کا استعمال کرنا شروع کردیا ہے
مزید پڑھیں:
بانڈی پورہ: اندرونی سڑکوں کی خستہ حالی سے لوگ پریشان
جسکے بعد اس علاقے کے لوگوں نے راحت کی سانس لی اور ای ٹی وی بھارت کا شکریہ ادا کیا ۔
