تاہم ملک کی طرح ریاست کے کئی علاقوں میں اب بھی کھلے میں رفع حاجت کیا جاتا ہے۔
ریاست کے گاندربل ضلع جسے سال 2018 میں یوم بیت الخلاء کے دن پر ایوارڈ بھی ملا تھا، تاہم زمینی سطح پر یہ وارڈ صرف بناوٹی نظرآ رہا ہے۔
وزیر اعظم نریندر مودی نے 2 اکتوبر 2014 کو ملک گیر سطح پر صفائی ستھرائی کی مہم کا آغاز کیا تھا.
اس مہم کا نام سوچھ بھارت ابھیان دیا گیا تھا۔ 2 اکتوبر کے انتخاب کی اہم وجہ بھارت میں عام طور سے بابائے قوم کا درجہ دی جانے والی شخصیت مہماتما گاندھی کا یوم پیدائش اور قومی تعطیل ہو رہا ہے۔
اس پروگرام کو سرکاری اور غیر سرکاری اداروں اور کئی اہم شخصیات کی طرف سے زبردست حمایت حاصل ہوئی تھی۔
کیونکہ گاندھی جی صفائی ستھرائی کے زبردست حامی اور خود کی تطہیر کی کوششوں کا حصہ بنے تھے، تاہم ریاست کے ساتھ ساتھ ملک کے دیگر شہروں میں بھی کئی سال گزرنے کے بعد بھی اس ہدف کو پورا نہیں کیا گیا ہے۔
اپوزیشن رہنماؤں نے کئی بار اس اسکیم پر سوال اٹھاتے ہوئے کہا تھا کہ زمینی سطح پر کچھ ہے اور کاغذی سطح پر کچھ اور نظر آ رہا ہے۔
اگرچہ وانگت علاقہ بلاک ڈیولپمنٹ آفس کنگن سے محض کچھ کلومیٹر کی دوری پر واقع ہے، تاہم یہاں کئی جگہوں پر اب بھی پرانی روایتی بیت الخلا نظرآ رہے ہیں جہاں مرد و زن کھلے میں رفع حاجت کررہے ہیں ۔
علاقے کے لوگوں نے الزام عائد کرتے ہوئے کہا کہ انہوں نے کئی بار محکمہ کے افسران سے گزارش کی ہے تاہم ان کی فہرست میں ان کا نام ہی نہیں ہے۔
