نیشنل کانفرنس کے نائب صدر عمر عبداللہ نے سوپور میں تشدد کے خونریز واقعے میں عام شہریوں اور پولیس اہلکاروں کی ہلاکت کی شدید الفاظ میں مذمت کی ہے۔
انہوں نے مارے گئے افراد کے لواحقین کے ساتھ اظہار یکجہتی کرتے ہوئے کہا کہ ایسے واقعات کی جتنی بھی مذمت کی جائے کم ہے۔
عمر عبداللہ نے کہا کہ سوپور حملہ انسانیت سوز واقعہ ہے جس سے ہر ذی عقل انسان کا دل چھلنی ہو جاتا ہے۔
انہوں نے کہا کہ موجودہ دور میں تشدد کی کوئی بھی جگہ نہیں ہونی چاہئے۔
عمر عبداللہ نے کہا کہ اس حملے سے مرکزی حکومت کے وہ دعوے بھی سراب ثابت ہو جاتے ہیں جو 5 اگست 2019 کے فیصلوں کے بارے مسلسل کئے جا رہے ہیں۔
یہ بھی پڑھیں: 'بات چیت سے ہر مسئلے کا حل ممکن'
پارٹی کے جنرل سکریٹری حاجی علی محمد ساگر، صوبائی صدر ناصر اسلم وانی، رکن پارلیمان برائے شمالی کشمیر ایڈوکیٹ محمد اکبر لون، ترجمان عمران نبی ڈار اور ضلع صدر بارہمولہ جاوید احمد ڈار نے بھی واقعہ کی مذمت کرتے ہوئے مارے گئے افراد کے پسماندگان کے ساتھ تعزیت اور ہمدردی کا اظہار کیا ہے۔
یو این آئی
