سرینگر: خان یار میں آتشزدگی، مدرسہ اور مسجد سمیت کئی مکان زد میں

آتشزدگی میں دو فائر اینڈ ایمرجنسی اہلکار زخمی ہوئے۔ جن کو بعد میں علاج کے لیے ہسپتال پہنچایا گیا۔

مرکز کے زیر انتظام جموں و کشمیر دارالحکومت سرینگر کے خانیار علاقے میں آگ کی ایک ہولناک واردات سے ایک مسجد اور درسگاہ سمیت کئی مکان خاکستر ہوگئے۔

تفصیلات کے مطابق شہر خاص کے علاقہ خانیار میں ایک مکان سے اچانک آگ لگی جس نے آناً فانا ایک مسجد و درسگاہ سمیت کئی مکانوں کو اپنی زد میں لے لیا۔ اس دوران فائر اینڈ ایمرجنسی عملہ نے جائے واردات پر پہنچ کر عوام کی مدد سے آگ پر قابو پالیا۔ اس دوران دو فائر اینڈ ایمرجنسی اہلکار شدید زخمی ہوئے۔ جن کو بعد میں علاج و معالجہ کے لیے ہسپتال پہنچایا گیا۔

اس دوران مسجد شریف کو کافی نقصان ہوا جب کہ کئی مکان پوری طرح سے خاکستر ہوگئے۔ آگ لگنے کی وجہ شارٹ سرکٹ بتائی جارہی ہے۔