No Mask No Entry at Srinagar Airport: سرینگر ایئر پورٹ پر بلا ماسک داخلہ ممنوع

سرینگر بین الاقوامی ہوائی اڈے Srinagar International Airport پر ایس او پیز کی خلاف ورزی کرنے والے مسافروں کو 500 روپے جرمانہ ہو سکتا ہے جبکہ مسافروں سے کہا گیا ہے کہ انہیں پرواز اڑنے سے صرف 3 گھنٹے قبل ہی ہوائی اڈے میں داخل ہوں۔

سرینگر ایئر پورٹ اتھارٹی کے مطابق کورونا کے مثبت معاملات میں زبردست اضافہ ہورہا ہے۔ ایسے میں تمام مسافروں سے گزارش کی گئی ہے کہ وہ ہوائی اڈے پر سماجی فاصلہ برقرار رکھیں اور ہر وقت ماسک Follow Covid SOP'S پہنیں۔

ڈائریکٹر کے مطابق "ماسک نہیں تو داخلہ نہیں No mask No Entry at Srinagar Airport کے اصول پر عمل کررہے ہیں"۔

انہوں نے کہا کہ اگر کوئی مسافر اپنا ماسک اتارتا ہے تو اس پر 500 روپے جرمانہ عائد کیا جائے گا۔

انہوں نے کہا ہے کہ پرواز کی روانگی سے قبل ہوائی اڈے پر داخلے کا وقت زیادہ سے زیادہ 3 گھنٹے ہے جبکہ کچھ مسافر پرواز سے 7 گھنٹے پہلے آ رہے ہیں۔ اس سے ہوائی اڈے پر بھیڑ بڑھ جاتی ہے اور انفیکشن کا خطرہ بھی بڑھتا ہے۔

انہوں نے مسافروں سے اپیل کی کہ وہ ہوائی اڈے پر پرواز سے صرف تین گھنٹے پہلے آئیں۔