ضلع گاندربل کے سب ڈویژن کنگن کے وانیارم وانگت میں ایک ٹرانسفارمر میں اچانک آگ لگنے کی وجہ سے افراتفری کا ماحول پیدا ہوگیا۔
اس حادثے کی وجہ سے کوئی جانی و مالی نقصان کی اطلاع موصول نہیں ہوئی ہے۔ مقامی لوگوں کے مطابق اوورلوڈنگ کی وجہ سے ٹرانسفارمر میں آگ لگی تھی۔
مقامی لوگوں نے کہا کہ ستر گھروں پر مشتمل ونیارم محلہ ایک عرصے سے نئے ٹرانسفارمر کا مطالبہ کررہا ہے لیکن آج تک ان کے مطالبہ کو تسلیم نہیں کیا گیا ہے۔
مقامی لوگوں نے بتایا کہ وانیارام محلہ سو سے زائد گھروں پر مشتمل ہے، اس کے لیے بھی نئے (250 کے وی ) ٹرانسفارمر کا مطالبہ کیا گیا ہے لیکن حکام نے آج تک اس اہم مسئلے کی طرف توجہ نہیں دی ہے۔
یہ بھی پڑھیں:گاندربل: مانسبل علاقے کے لوگ سرپنچ اور پنچ سے نالاں
انھوں نے مزید کہا کہ بیک ٹو ولیج پروگرام کے دوران بھی اس مسئلے کو سرفہرست رکھا گیا تھا، مگر انتظامیہ نہ جانے کیوں اس مسئلے کی طرف توجہ نہیں دے رہا ہے۔
علاقے کے لوگوں نے کہا کہ اس ٹرانسفر میں ایک عرصے سے تیل لیک ہورہا ہے تھا، تاہم محکمہ کے ملازمین کو اطلاع کرنے کے باوجود بھی اس کی مرمت نہیں کی گئی جسے نہ صرف علاقہ بجلی سے محروم ہوا بلکہ ٹرانسفارمر میں ہوئے دھماکے سے پورا علاقہ لرز اٹھا۔
