عالمی یوم آب World Water Day کے حوالے سےمنعقدہ پروگرام میں سیکریٹری ڈسٹرکٹ لیگل سروسز اتھارٹی محترمہ تبسم بطور مہمان خصوصی شامل تھیں۔ شعبہ ویٹرنری سائنسز کے سربراہ پروفیسر ایم ٹی بانڈے سمیت دیگر ممبران جن میں ڈاکٹر سجاد احمد بٹ اسٹوڈنٹ ویلفیئر آفیسر، سندھ فارسٹ ڈویژن گاندربل کے ڈویژنل آفیسر اویس فاروق، ڈاکٹر ناہدہ اختر چیف پروجیکٹ افسر نیشنل فش سیڈ فارم، ڈاکٹر عنبرین ہمدانی، ایڈوکیٹ جی آر راتھر پینل وکیل ڈی ایل ایس اے گاندربل، شبیر احمد اسسٹنٹ انجینئر محکمہ جل شکتی، ڈسٹرکٹ لیگل سروس اتھارٹی گاندربل کا عملہ اور طلبا بھی موجود تھے۔ World Water Day
شجر کاری مہم Plantation Drive کا آغاز سیکریٹری لیگل سروس اتھارٹی اور فیکلٹی آف ویٹرنری سائنسز کے دیگر ممبران نے پودے لگا کر کیا، اس کا مقصد گلوبل وارمنگ کے خلاف لڑنے کے ساتھ ساتھ موسمیاتی تبدیلیوں پر اس کے اثرات کو کم کیا جائے، تاکہ معاشرے کو مستقبل میں بہتر ماحول میسر ہوسکے۔ پروگرام کے بعد پالیتھین اور پلاسٹک کے استعمال کے خلاف دستخطی مہم چلائی گئی۔ اس موقع پر شہامہ کیمپ کو پالیتھین سے پاک زون قرار دیا گیا۔ سکریٹری ضلع لیگل سروس اتھارٹی گاندربل نے بتایا کہ 'ڈسٹرکٹ لیگل سروس اتھارٹی گاندربل کے حکام قانون کے بارے میں عوام میں بیداری پیدا کرنے کے لیے کئی پروگرام چلاتے ہیں، تاکہ عوام کو اسکیموں کے بارے میں آگاہی فراہم ہوسکے'۔
