وادی کے نوجوانوں کو بااختیار بنانے کےلیے انتظامیہ کی جانب سے ’مشن یوتھ‘ پروگرام شروع کیا گیا اور اس سلسلہ میں ’ممکن اسکیم‘ کے تحت مستحق نوجوانوں کو کمرشیل گاڑیاں فراہم کی جارہی ہے تاکہ انہیں روزگار سے جوڑا جاسکے۔
یہ بھی پڑھیں:
پلوامہ: چھاپڑی فروشوں میں کوڑے دان تقسیم
’مشن یوتھ‘ کے لیے جموں و کشمیر حکومت منظم وژن اور بہتر حکمت عملی کے ساتھ کام کر رہی ہے تاکہ وادی کے نوجوانوں کو روزگار فراہم کیا جاسکے اور انہیں خودکفیل بنایا جائے۔ ممکن اسکیم کے تحت صنعت کار اور حکومت کی جانب سے نوجوانوں کو سبسڈی کے ساتھ چھوٹی کمرشل گاڑیاں فراہم کی جا رہی ہیں جس سے وہ اچھی معاش حاصل کرنے کے قابل بن رہے ہیں۔ اس سکیم کے تحت ضلع پلوامہ کے 4 نوجوان کو کمرشل گاڑیاں فراہم کی گئی۔ وہیں گاڑیاں حاصل کرنے والے نوجوانوں نے حکومت کا شکریہ ادا کیا۔ ڈسٹرکٹ ایمپلائمنٹ اینڈ کونسلنگ سنٹر پلوامہ کے عہدیدار جنید احمد نے یہ گاڑیاں مستحقین میں تقسیم کیں۔
