پلوامہ: جنوبی کشمیر کے ضلع پلوامہ میں کل ایک 17 سالہ لڑکا نہانے کے دوران رمبی آرہ میں ڈوب گیا جس کے بعد مقامی لوگوں اور پولیس نے اس کی تلاش شروع کی تاہم وہ ناکام رہے جس کے بعد ایس ڈی آر ایف کی ٹیم کو بلایا گیا جنہوں نے پولیس اور مقامی لوگوں کی مدد سے لڑکے کی لاش کو بازیاب کرلیا اور قانونی کارروائی مکمل کرنے بعد ان کی لاش کو ان کے اہل خانہ کے حوالے کیا۔ Dead body of drowned youth found in Pulwama
تفصیلات کے مطابق یہ لڑکا اپنے خاندان کا اکلوتا بیٹا تھا جو جمعہ کو پلوامہ-شوپیان سرحد پر نہانے کے دوران رنبیارا نالہ میں ڈوب کر ہلاک ہو گیا۔ اس نوجوان کی شناخت شاہد رشید آلی ولد عبدالرشید آلی ساکنہ الائی پورہ کے طور پر ہوئی ہے جو اچھن اور ہیف گاؤں کے درمیان رنبیارا نالہ میں ڈوب کر ہلاک ہو گیا۔ اس کے ڈوبنے کے فوراً بعد مقامی لوگ پولیس اور دیگر اہلکاروں کے ساتھ موقع پر پہنچے اور ریسکیو آپریشن شروع کیا۔ Youth Drowned in Pulwama
دریں اثناء تحصیلدار لیتر سمیع اللہ نقشبندی نے بتایا کہ اس کی لاش کو نکالنے کے لیے ریسکیو آپریشن شروع کیا گیا اور بعد میں ایس ڈی آر ایف کی ٹیم نے شاہد کی لاش کو بازیاب کرلیا۔ مقامی لوگوں کے مطابق شاہد ریشی خاندان کا واحد چراغ تھا اور گیارہویں جماعت میں پڑھتا تھا۔
