جموں و کشمیر کے ضلع پلوامہ میں آج ضلع ترقیاتی کمشنر پلوامہ بصیر الحق چودھری نے میڈیا سے خطاب کرتے ہوئے ایل جی انتظامیہ کی طرف سے ان لاک کے حوالے سے بات کرتے ہو کہا کہ ضلع میں روسٹر کے حساب سے بزنس ایسٹیبلشمنٹس کو کھولنے کی اجازت ہوگی۔
انہوں نے کہا لوگوں کو روسٹرس کے ساتھ ساتھ ایس او پیز کا خاص خیال رکھنا ہو گا تاکہ ہم سب مل کر اس وبائی بیماری پر قابو پا سکیں۔انہوں نے کہا کہ ضلع میں اس وقت کووڈ 19 بیماری پوری طرح سے قابو میں ہے لیکن ہمیں احتیاط برتنا ضروی ہے۔
انہوں نے کہا ویکسنیشن بہت ضروری ہے اور لوگوں کو افواہوں کی طرف توجہ نہیں دینا چاہے بلکہ ٹیسٹنگ کے ساتھ ساتھ ویکسینیشن میں بھی بھرپور حصہ لینا چاہے۔
کمشنر موصوف نے کہا کہ ضلع میں یہ چیزیں دیکھی گئی ہے کہ جس بلاک میں زیادہ ویکسنیشن کی گئی ہے وہاں پر کورونا مثبت کا شرح بہت کم ہونے کے ساتھ ساتھ اموات کی شرح بھی بہت کم ہے۔
انہوں نے راجپورہ اور پلوامہ بلاک کے بارے میں بات کرتے ہوئے کہا ہے کہ ان دو بلاکوں کا موجودہ صورتحال کافی اچھا ہے کیونکہ یہاں پر زیادہ سے زیادہ ویکسنیشن کیا گیا ہے۔
ترقیاتی کمشنر نے کووڈ سے مرنے والے لوگوں کے بارے میں بات کرتے ہوئے کہا ہے کہ ضلع میں کووڈ متاثرین کا ڈیٹا تیار کیا گیا ہے اور ان متاثرین کو ایل جی کی ہدایت کے مطابق خصوصی امداد فراہم کی جائے گی۔
