کشمیر میں جوانوں نے ایک شخص کی جان بچائی

ریاست جموں و کشمیر کے ضلع رامبن میں سی آر پی ایف جوانوں نے ایک شخص کی جان بچا کر انسانیت کا ثبوت دیا ہے۔

تفصیلات کے مطابق، ایک نوجوان آج علی الصبح جموں سے سرینگر جانے والے شاہراہ پر رامبن کے نزدیک مہیاڑ کے مقام پر پہنچا ہی تھا کہ اچانک مٹی کے تودے گرنے کی وجہ سے کیچڑ کے دلدل میں پھنس گیا۔

اس کے بعد اس علاقے میں تعنیات سی آر پی ایف کے جوانوں نے وقت پر بچاؤ کاروائی کر کے مٹی ہٹا کر اس نوجوان کو باہر نکالا۔

نوجوان کو رامبن کے ہسپتال میں منتقل کیا گیا جہال ابتدائی علاج کے بعد اسے چھٹی دے دی گئی۔

بتایا جاتا ہے کہ نوجوان کی دماغی حالت ٹھیک نہیں تھی۔